माध्यमिक शिक्षा परीक्षा (SEE) · कक्षा १०
एसईई २०८२ सामाजिक अध्ययन प्रश्नपत्र, कर्णाली प्रदेश
एसईई २०८२ सामाजिक अध्ययन (कर्णाली प्रदेश, RE-1051'KaP') मा जम्मा २४ प्रश्न छन्, पूर्णाङ्क ७५ र समय ३ घण्टा। प्रश्नहरूमध्ये १ अङ्कका ११, ४ अङ्कका ९ र ७ अङ्कका ४ प्रश्न छन्।
एसईई परीक्षा राष्ट्रिय परीक्षा बोर्ड (NEB), नेपालले सञ्चालन गर्छ। यो प्रश्नपत्र मूल प्रतिबाट टाइप गरी GyanMul टोलीले जाँचेको हो।
- २४ प्रश्न
- पूर्णाङ्क ७५
- ३ घण्टा
- कोड RE-1051'KaP'
प्रश्नहरू
यहाँ १ अङ्कका ११ प्रश्नको उत्तर दिइएको छ। यी GyanMul का नमुना उत्तर हुन् — नेबले उत्तरकुञ्जिका प्रकाशित गर्दैन, त्यसैले यी बोर्डका उत्तर होइनन्।
प्रश्न ११ अङ्क
सामाजिकीकरणमा सहयोग पुर्याउने कुनै दुई निकायको नाम लेख्नुहोस् ।
उत्तर: परिवार र विद्यालय । (साथीसङ्गत, सञ्चार माध्यम र धार्मिक संस्था पनि सामाजिकीकरणका निकाय हुन् ।)प्रश्न २१ अङ्क
नेपालमा सङ्घीय शासन प्रणाली लागु भएपछिको कुनै एक उपलब्धि लेख्नुहोस् ।
उत्तर: सिंहदरबारमा सीमित रहेका अधिकार र सेवा स्थानीय तहसम्म पुगेका छन् — अब नागरिकले जन्मदर्ता, सिफारिस र सामाजिक सुरक्षा भत्ता जस्ता सेवा आफ्नै गाउँपालिका वा नगरपालिकाबाटै पाउँछन् ।प्रश्न ३१ अङ्क
नेपालमा सामाजिक सुधारका लागि युनिसेफले खेलेको एउटा भूमिका उल्लेख गर्नुहोस् ।
उत्तर: युनिसेफले नेपालमा बालबालिकाको खोप, पोषण र शिक्षा कार्यक्रममा सहयोग गर्दै आएको छ, र बालविवाह तथा बालश्रम अन्त्यका लागि सचेतना कार्यक्रम सञ्चालन गरेको छ ।प्रश्न ४१ अङ्क
दाइजो प्रथा विरुद्ध सचेतना जगाउने नारासहित एउटा प्लेकार्डको नमुना बनाउनुहोस् ।
उत्तर: ┌──────────────────────────────────────┐ │ │ │ दाइजो होइन, शिक्षा दिऊँ ! │ │ │ │ छोरी बोझ होइनन्, बल हुन् — │ │ दाइजो माग्नु अपराध हो । │ │ │ └──────────────────────────────────────┘ │ │ (समाउने डन्डी) │प्रश्न ५१ अङ्क
साराजेभोमा हत्या गरिएका राजकुमार फ्रान्सिस फर्डिनान्ड र उनकी पत्नी कुन देशका थिए ?
उत्तर: अस्ट्रिया–हंगेरीका । फर्डिनान्ड अस्ट्रिया–हंगेरीका युवराज थिए, र सन् १९१४ जुन २८ मा साराजेभोमा भएको उनको हत्या पहिलो विश्वयुद्धको तात्कालिक कारण बन्यो ।प्रश्न ६१ अङ्क
संयुक्त राष्ट्रसङ्घको स्थापना दोस्रो विश्वयुद्धको एउटा उपलब्धि थियो, किन ?
उत्तर: किनभने दोस्रो विश्वयुद्धको भीषण विनाशबाट पाठ सिकेर भविष्यमा त्यस्तो युद्ध नदोहोरियोस् र विश्वमा शान्ति तथा सुरक्षा कायम रहोस् भन्ने उद्देश्यले सन् १९४५ अक्टोबर २४ मा यसको स्थापना गरिएको थियो ।प्रश्न ७१ अङ्क
ऊर्जाका स्रोतहरूमध्ये सबैभन्दा बढी प्रयोग हुने मुख्य दुई स्रोत लेख्नुहोस् ।
उत्तर: दाउरा (परम्परागत जैविक इन्धन) र पेट्रोलियम पदार्थ । [प्रश्नले देश तोकेको छैन । यो उत्तर नेपालको सन्दर्भमा दिइएको हो — पाठ्यपुस्तकले नेपालकै ऊर्जा खपत पढाउँछ, र नेपालमा कुल ऊर्जा खपतको ठुलो हिस्सा दाउराले र त्यसपछि आयातित पेट्रोलियम पदार्थले ओगट्छ ।]प्रश्न ८१ अङ्क
तपाईं मोबाइल बैङ्किङको प्रयोग केका लागि गर्नुहुन्छ ? एक वाक्यमा लेख्नुहोस् ।
उत्तर: म मोबाइल बैङ्किङको प्रयोग बैङ्क नगईकनै रकम पठाउन, बिजुली र पानीको बिल तिर्न र खाताको विवरण हेर्नका लागि गर्छु ।प्रश्न ९१ अङ्क
विश्वव्यापीकरण भनेको के हो ? एक वाक्यमा लेख्नुहोस् ।
उत्तर: विश्वका देशहरूबिच वस्तु, सेवा, पुँजी, प्रविधि, सूचना र संस्कृतिको आदानप्रदान बढ्दै गएर सम्पूर्ण विश्व नै एउटा बजार तथा एउटा गाउँजस्तो बन्दै जाने प्रक्रिया नै विश्वव्यापीकरण हो ।प्रश्न १०१ अङ्क
जलवायु परिवर्तनले मानव जीवनलाई कसरी प्रभाव पार्छ ?
उत्तर: हिमाल पग्लिने, अतिवृष्टि र अनावृष्टि हुने, बाढी-पहिरो र सुक्खाले कृषि उत्पादन घट्ने, नयाँ रोग फैलिने तथा बसाइँसराइ बढ्ने गरी जलवायु परिवर्तनले मानव जीवनमा प्रत्यक्ष प्रभाव पार्छ ।प्रश्न १११ अङ्क
तपाईंले स्वस्थ जीवनशैली अवलम्बन गर्न के गर्नुहुन्छ ? एक वाक्यमा लेख्नुहोस् ।
उत्तर: म सन्तुलित भोजन गर्छु, दैनिक व्यायाम तथा पर्याप्त निद्रा लिन्छु र सुर्तीजन्य पदार्थ तथा लागुऔषधबाट टाढै बस्छु ।प्रश्न १२४ अङ्क
"नेपाली समाजमा विविधताहरूको बिच सुमधुर सद्भाव र एकता कायम रहेको छ" यस भनाइलाई उदाहरणसहित पुष्टि गर्नुहोस् ।
प्रश्न १३४ अङ्क
दिगो विकासको परिचयसहित यसको महत्त्व तीन बुँदामा उल्लेख गर्नुहोस् ।
प्रश्न १४४ अङ्क
तपाईंको विद्यालयमा बाल दिवस मनाउनका लागि कार्यक्रम सूची तयार गर्नुहोस् ।
प्रश्न १५४ अङ्क
"विश्वबन्धुत्वको भावना विश्वमा शान्ति स्थापना गर्ने आधार हो ।" यस भनाइलाई पुष्टि गर्नुहोस् । अथवा "हाम्रा लोकगीत र लोकबाजाले हाम्रो समाजको विशेषता झल्काउँछन् ।" यस भनाइलाई पुष्टि गर्नुहोस् ।
प्रश्न १६४ अङ्क
सामाजिक समस्या र विकृतिले समाज विकासमा कसरी बाधा पुर्याउँछन् ? आफ्नो विचार चार बुँदामा लेख्नुहोस् ।
प्रश्न १७४ अङ्क
न्यायपालिकाका कुनै चारओटा कार्य लेख्नुहोस् ।
प्रश्न १८४ अङ्क
नेपाल विश्वको कुन हावापानी क्षेत्रमा अवस्थित छ ? उक्त हावापानीका तीन विशेषता लेख्नुहोस् ।
प्रश्न १९४ अङ्क
यदि तपाईं संयुक्त राष्ट्रसङ्घको महासचिव हुनुभएको भए, विश्वमा चलिरहेको युद्ध अन्त्य गर्न के के गर्नुहुन्थ्यो ? चार बुँदामा लेख्नुहोस् ।
प्रश्न २०४ अङ्क
पछिल्लो जनगणनामा नेपालको जनसङ्ख्या वृद्धिदर घट्नुका कुनै चारओटा कारण लेख्नुहोस् ।
प्रश्न २१७ अङ्क
उपभोक्ता अधिकारबारे सचेत नभएमा हुनसक्ने कुनै तीन समस्या उल्लेख गर्दै सचेत उपभोक्ताले त्यस्ता समस्याबाट सुरक्षित रहनका लागि ध्यान दिनुपर्ने कुनै चारओटा पक्ष लेख्नुहोस् । (३+४=७)
प्रश्न २२७ अङ्क
पृष्ठभरिको नेपालको नक्सा कोरी निम्न तथ्यहरूलाई उपयुक्त सङ्केत प्रयोग गरेर भर्नुहोस् : (क) लामटाङ हिमाल (ख) सुर्खेत (ग) पूर्वपश्चिम राजमार्ग (घ) मेची नदी अथवा पृष्ठभरिको उत्तर अमेरिकाको नक्सा कोरी निम्न तथ्यहरूलाई उचित सङ्केत प्रयोग गरेर भर्नुहोस् : (क) अलास्का (ख) सुपेरियर ताल (ग) न्यूयोर्क (घ) प्रेरिज घाँसे मैदान दृष्टिविहीनका लागि मात्र ┌────────────────────────────────────────────────────────┐ │ भूकम्पबाट आफ्नो परिवारमा धनजनको क्षति हुन नदिन तपाईं के │ │ के उपाय अपनाउनुहुन्छ ? कुनै सात उपाय लेख्नुहोस् । │ └────────────────────────────────────────────────────────┘
प्रश्न २३७ अङ्क
नेपालको इतिहासमा वि.सं. २००७ को राजनीतिक परिवर्तनपछि भएका सामाजिक तथा आर्थिक उपलब्धिहरू बुँदागत रूपमा प्रस्तुत गर्नुहोस् ।
प्रश्न २४७ अङ्क
नेपालमा बिमाको महत्त्व सम्बन्धमा दुई साथीबिचको संवाद तयार पार्नुहोस् ।
स्रोत: prep.gyanmul.com/ne/see/past-papers/social-studies/2082/karnali · GyanMul Prep