माध्यमिक शिक्षा परीक्षा (SEE) · कक्षा १०
एसईई २०८२ सामाजिक अध्ययन प्रश्नपत्र, लुम्बिनी प्रदेश
एसईई २०८२ सामाजिक अध्ययन (लुम्बिनी प्रदेश, RE-1051'LP') मा जम्मा २४ प्रश्न छन्, पूर्णाङ्क ७५ र समय ३ घण्टा। प्रश्नहरूमध्ये १ अङ्कका ११, ४ अङ्कका ९ र ७ अङ्कका ४ प्रश्न छन्।
एसईई परीक्षा राष्ट्रिय परीक्षा बोर्ड (NEB), नेपालले सञ्चालन गर्छ। यो प्रश्नपत्र मूल प्रतिबाट टाइप गरी GyanMul टोलीले जाँचेको हो।
- २४ प्रश्न
- पूर्णाङ्क ७५
- ३ घण्टा
- कोड RE-1051'LP'
प्रश्नहरू
यहाँ १ अङ्कका ११ प्रश्नको उत्तर दिइएको छ। यी GyanMul का नमुना उत्तर हुन् — नेबले उत्तरकुञ्जिका प्रकाशित गर्दैन, त्यसैले यी बोर्डका उत्तर होइनन्।
प्रश्न ११ अङ्क
नेपालको राष्ट्रिय गौरव बढाउने कुनै दुई सांस्कृतिक सम्पदाको नाम लेख्नुहोस् ।
उत्तर: लुम्बिनी (गौतम बुद्धको जन्मस्थल) र पशुपतिनाथ मन्दिर । (काठमाडौँ उपत्यकाका सात स्मारक समूह, जनकपुरधाम र स्वयम्भूनाथ पनि यस्तै सम्पदा हुन् ।)प्रश्न २१ अङ्क
तोकिएको समयमा विकास आयोजना सम्पन्न गर्न के गर्नुपर्छ ? एउटा सुझाव दिनुहोस् ।
उत्तर: आयोजना सुरु गर्नुअघि नै विस्तृत सम्भाव्यता अध्ययन, जग्गा प्राप्ति र बजेटको सुनिश्चितता गरेर मात्र ठेक्का लगाउनुपर्छ — साथै नियमित अनुगमन गरी समयमा काम नगर्ने ठेकेदारलाई कारबाही गर्नुपर्छ ।प्रश्न ३१ अङ्क
तपाईंको समाजमा रहेको अन्धविश्वासको एक उदाहरण लेख्नुहोस् ।
उत्तर: बिरामी पर्दा अस्पताल नलगी पहिले धामीझाँक्रीकहाँ लगेर झारफुक गराउने चलन । (बाटो हिँड्दा बिरालोले बाटो काटे अपशकुन मान्ने, र बोक्सीको आरोप लगाउने पनि यस्तै अन्धविश्वास हुन् ।)प्रश्न ४१ अङ्क
दाइजो प्रथा विरुद्ध जनचेतना जगाउने एक नारा तयार गर्नुहोस् ।
उत्तर: "दाइजो होइन, शिक्षा देऊ — छोरीलाई सम्मान देऊ !" (अन्य: "दाइजो माग्नु अपराध हो, छोरी बोझ होइनन् — बल हुन् ।")प्रश्न ५१ अङ्क
दोस्रो विश्व युद्धका बेला नेपालका प्रधानमन्त्री को थिए ?
उत्तर: जुद्धशमशेर जबरा । दोस्रो विश्वयुद्ध (सन् १९३९–१९४५) का बेला नेपालमा राणा शासन थियो र जुद्धशमशेर प्रधानमन्त्री (श्री ३ महाराज) थिए । उनकै पालामा नेपाली सेना बेलायती पक्षबाट युद्धमा सहभागी भएको थियो ।प्रश्न ६१ अङ्क
प्रथम विश्वयुद्धपछि भएको भर्सेलिजको सन्धिलाई दोस्रो विश्वयुद्धको मुख्य कारण मानिन्छ, किन ?
उत्तर: किनभने त्यस सन्धिले पराजित जर्मनीमाथि अत्यन्त कठोर र अपमानजनक सर्त लाद्यो — ठुलो रकम क्षतिपूर्ति तिर्नुपर्ने, भूभाग गुमाउनुपर्ने र सेना अत्यन्तै सानो बनाउनुपर्ने । यसले जर्मन जनतामा अपमान र बदलाको भावना जगायो, जसको फाइदा उठाएर हिटलर सत्तामा पुगे र अन्ततः दोस्रो विश्वयुद्ध सुरु भयो ।प्रश्न ७१ अङ्क
ऊर्जाको एक महत्त्व लेख्नुहोस् ।
उत्तर: ऊर्जाबिना उद्योग, यातायात, सञ्चार र घरायसी काम कुनै पनि चल्दैन । पर्याप्त ऊर्जा उपलब्ध भए उत्पादन बढ्छ, रोजगारी सिर्जना हुन्छ र देशको आर्थिक विकासले गति लिन्छ ।प्रश्न ८१ अङ्क
तपाईंले आफूसँग भएको पैसा बैङ्कमा राख्नु परेमा चल्ती वा बचत कुन खातामा राख्नुहुन्छ, किन ?
उत्तर: बचत खातामा राख्छु । किनभने बचत खातामा जम्मा भएको रकममा बैङ्कले ब्याज दिन्छ र मलाई दिनहुँ धेरै कारोबार गर्नु पर्दैन । चल्ती खातामा ब्याज पाइँदैन — त्यो दैनिक धेरै लेनदेन गर्ने व्यापारिक फर्मका लागि उपयुक्त हुन्छ ।प्रश्न ९१ अङ्क
संयुक्त राष्ट्र सङ्घमा प्रयोग हुने कुनै दुई आधिकारिक भाषाको नाम लेख्नुहोस् ।
उत्तर: अङ्ग्रेजी र फ्रेन्च । (संयुक्त राष्ट्रसङ्घका छ ओटा आधिकारिक भाषा छन् — अङ्ग्रेजी, फ्रेन्च, रुसी, चिनियाँ, स्पेनिस र अरबी ।)प्रश्न १०१ अङ्क
तपाईं आफू बसेको स्थानीय तहको प्रमुख हुनुभयो भने त्यस क्षेत्रको कुनै एक प्रमुख उत्पादनलाई विश्वव्यापीकरण गर्न के गर्नुहुन्छ ? एक वाक्यमा लेख्नुहोस् ।
उत्तर: म आफ्नो क्षेत्रको प्रमुख उत्पादनलाई गुणस्तर प्रमाणीकरण गराई आकर्षक प्याकेजिङ र ब्रान्डसहित अनलाइन बजार तथा निर्यात प्रवर्धन कार्यक्रममार्फत अन्तर्राष्ट्रिय बजारसम्म पुर्याउँछु ।प्रश्न १११ अङ्क
तपाईंको परिवारमा आम्दानी वा अन्य स्रोतको उचित व्यवस्थापन गरी परिवारलाई सुखी गराउन के गर्नुहुन्छ ?
उत्तर: मासिक आम्दानी र खर्चको बजेट बनाई अनावश्यक खर्च घटाउँछु, आम्दानीको केही हिस्सा अनिवार्य रूपमा बचत गर्छु र शिक्षा तथा स्वास्थ्यमा प्राथमिकताका साथ लगानी गर्छु । खर्चको निर्णय परिवारका सबै सदस्यको सल्लाहमा गर्छु ।प्रश्न १२४ अङ्क
विविधतायुक्त नेपाली समाजमा आपसी सद्भाव कायम राख्ने चारओटा सुझाव दिनुहोस् ।
प्रश्न १३४ अङ्क
मानव विकास सूचकाङ्कमा कसरी सुधार ल्याउन सकिन्छ ? चार बुँदामा लेख्नुहोस् ।
प्रश्न १४४ अङ्क
लोकगीत तथा लोक नृत्यको महत्त्व झल्किने गरी दुई साथीबिच गरिएको संवाद तयार पार्नुहोस् ।
प्रश्न १५४ अङ्क
स्थानीय सम्पदा संरक्षण गर्न स्थानीय सरकार नै बढी जिम्मेवार हुनुपर्छ, किन ? आफ्नो विचार प्रस्तुत गर्नुहोस् । अथवा "विश्वबन्धुत्व र मानवता आजको आवश्यकता" यस भनाइलाई पुष्ट पार्नुहोस् ।
प्रश्न १६४ अङ्क
नेपालमा भ्रष्टाचार नियन्त्रणका लागि अवलम्बन गर्न सकिने उपाय चार बुँदामा लेख्नुहोस् ।
प्रश्न १७४ अङ्क
कार्यपालिकाको चार प्रमुख कार्यहरूको सूची बनाई कुनै एकको सङ्क्षिप्त वर्णन गर्नुहोस् ।
प्रश्न १८४ अङ्क
अक्षांश र पहाडको उपस्थितिले कुनै पनि स्थानको हावापानीमा कसरी प्रभाव पार्दछन् ? वर्णन गर्नुहोस् ।
प्रश्न १९४ अङ्क
सूचना प्रविधिको महत्त्व उल्लेख गर्दै साथीलाई पठाउने इमेलको नमुना तयार पार्नुहोस् ।
प्रश्न २०४ अङ्क
जनसङ्ख्या वितरण भनेको के हो ? नेपालको भौगोलिक क्षेत्रअनुसार जनसङ्ख्या वितरण असमान हुनुको कारण लेख्नुहोस् ।
प्रश्न २१७ अङ्क
निर्वाचन भनेको के हो ? निर्वाचनलाई स्वच्छ, निष्पक्ष र धाँधलीरहित बनाउन निर्वाचन आयोग, नागरिक समाज र मतदाताले खेल्नुपर्ने दुई दुईओटा भूमिका उल्लेख गर्नुहोस् । (१+२+२+२=७)
प्रश्न २२७ अङ्क
पृष्ठभरिको नेपालको नक्सा कोरी निम्न तथ्यहरूलाई उपयुक्त सङ्केत प्रयोग गरेर भर्नुहोस् : (क) चितवन राष्ट्रिय निकुञ्ज (ख) महाकाली नदी (ग) जनकपुर (घ) धवलागिरी हिमाल अथवा पृष्ठभरिको दक्षिण अमेरिकाको नक्सा कोरी निम्न तथ्यहरूलाई उपयुक्त सङ्केत प्रयोग गरेर भर्नुहोस् : (क) अमेजन नदी (ख) पाटागोनिया मरुभूमि (ग) ब्राजिलियन उच्च भूमि (घ) फोक्ल्यान्ड टापु दृष्टिविहीनका लागि मात्र ┌────────────────────────────────────────────────────────┐ │ भूकम्पबाट आफ्नो परिवारमा धनजनको क्षति हुन नदिन तपाईं के │ │ के उपाय अपनाउनुहुन्छ ? कुनै सात उपाय लेख्नुहोस् । │ └────────────────────────────────────────────────────────┘
प्रश्न २३७ अङ्क
वि.सं. २०६३ पछिका कुनै छओटा राजनीतिक घटना उल्लेख गरी तीमध्ये कुनै दुईको सङ्क्षिप्त वर्णन गर्नुहोस् ।
प्रश्न २४७ अङ्क
'वित्तीय शिक्षा र यसको उपयोग' शीर्षकमा एउटा लेखको नमुना तयार पार्नुहोस् ।
स्रोत: prep.gyanmul.com/ne/see/past-papers/social-studies/2082/lumbini · GyanMul Prep